فى النهاية، الإقتصاد يكسب!

مقوله قاسية ولكنها واقعيه.. فى النهاية، الذى يكسب هو الإقتصاد!! عندما سمعت المقوله أول مرة لم أقتنع بها بسبب تمسكى بالإصرار والفكرة.. لماذا تخسر والفكرة لا تموت.. والإصرار على الإستمرار.. والطموح.. والتضحية فى سبيل الهدف.. وغيرها من الشعارات التى عندما تصطدم بالواقع تتكسر إلى آلاف القطع الصغيرة التى ليس لها حول ولا قوة.

هذه العبارة سمعتها فى البداية باللغة الإنجليزية وهى "At the end of the day, economy will win" بعد فترة طويلة من الإصرار أن هذه العبارة خطأ، اقتنعت أنها صحيحة وواقعية وأعتبرها الآن قانون من قوانين الواقع. إن لم تلتزم بهذا القانون أنت وحدك الذى سيخسر!

موقع تشيتيكا للدعاية والإعلان على الإنترنت سيتم اغلاقه للأبد فى يوم 30 أبريل 2019 بسبب عدم قدرة الموقع على الربح والإستمرار. موقع تشيتيكا (Chitika) كان يعمل لمدة 15 عام بإستمرار لخدمة المعلنين والناشرين وإدارة الموقع بلا أى توقف.. ولكنه الآن عاجز عن الكسب والإستمرار بسبب تدهور الحالة الإقتصادية للموقع. فى النهاية الذى لدية اقتصاد قوى هو من يكسب.. ﻷن الإقتصاد هو الذى يجعلك تستطيع الإستمرار والكسب.

ايجيكولوجى هى قناة على اليوتيوب صاحبها أحمد سمير. شخصية علمية جميلة. أسس قناة غرضها تبسيط العلوم لعامة الناس وكان عنده طموح وأحلام وأفكار واستمر فى القناة وطوّر فيها لمدة 4 سنين لكن كانت المشاهدات دائماً فى حالة هبوط وأحوال القناة اقتصادياً فى حالة تدهور مستمر.. حاول يصمد ويحسن اقتصاد القناة لكن لم يستطع! وفى النهاية كتب البوست الأخير الذى قرر فيه ايقاف العمل على القناة للأبد.

شركة ياهو كانت فى يوم من الأيام متربعة على عرش البحث على الإنترنت والمراسلات عبر الإيميل.. معظم الناس اللى عندهم ايميل قبل سنة 2013 أكيد عندهم yahoo مش gmail ولا hotmail لكن حالياً الشركة انهارت حرفياً ومبقاش ليها أى لزمة.. حالياً أفضل واهم محرك بحث هو جوجل بلا أى منازع.. وأشهر بريد إلكترونى هو Gmail .. ايه السبب فى الفشل وعدم الإستمرار.. إن اقتصاد الشركة وقع.. وقع ليه؟ عشان شوية قرارات غبيه خدوها.. بس مش المشكلة فى القرارات لوحدها، المشكلة النهائية الحقيقية فى اقتصاد الشركة.. ﻷن ممكن انت تاخد قرارات غبيه لكن بسبب مكاسب الشركة واقتصادها القوى تقدر تكمل.. وبعدها تحسن من نفسك..

ببساطة.. لو اقتصادك مش كويس يبقى شركتك مش هتستمر.. الطموح حلو، لكن بدون اقتصاد طموح وتيجى بالسلامه ✋ .. الأفكار حلوة، لكن بدون رأس مال محسوب بالطرق الإقتصادية الصحيحة يبقى أفكار دى تبقى خالتك 😂 .. التطبيق والشغل ليل نهار حلو جداً ومطلوب، لكن بدون اقتصاد مبنى صح ليك أو لمؤسستك يبقى بالسلامة أنت دلوقتى عشان في غيرك..

الإقتصاد ممكن تدعمه بالتسويق القوى.. أو حتى بالغش فى التسويق!! .. ممكن تدعمه بزيادة ولاء العملاء لشركتك بالتركيز على الجودة والتسويق.. ممكن تدعمه بتقليل قيمة المُنتج وإنك تبيع أرقام كبيرة من المنتجات.. ممكن تنوع فى المنتجات والخدمات اللى بتقدمها وبكده تكسب من كل حته.. المهم انك تحاول تخلى إقتصادياتك فى أفضل حال وفى تقدم وإلا أحب أقولك إنك مش هتستمر حتى لو عندك طموح وأفكار وبتشتغل وبتتعب ومفيش منك اتنين ع الكوكب 💔

للوصول لنا بسرعة اكتب على جوجل استفسارك ثم اكتب "موقع نوبا سيو". ويُمكنك أيضاً الحصول على الموضوعات الجديدة فوراً على بريدك الإلكترونى بالإشتراك فى النشرة البريدية من هنا.